काठमाडौँ – रक्षक सर्जिओ रामोसले रातो कार्ड सामना गरेको खेलमा पेरिस सेन्ड जर्मेन (पिएसजी) गोलरहित बराबरीमा रोकिएको छ । स्टार स्ट्राइकर लियोनल मेसी बिना मैदान उत्रिएको पिएसजी शनिबार राति फ्रेन्च लिग वानमा रेइम्ससँग अङ्क बाढ्न बाध्य भयो ।
अर्का स्टार नेयमार समेत बेन्चमा रहेको स्थितिमा पिएसजीको अग्रपङ्क्ति केलियम एम्बाप्पेले सम्हालेको थिए । उनी समेत गोलविहीन रहे । नेयमार खेलको ५७औँ मिनेटमा मैदान प्रवेश गरेका थिए ।
खेलको ४१औँ मिनेटमा रक्षक रामोसले दोहोरो पहेँलो कार्डको सामना गरेपछि पिएसजी पहिलो हाफमै १० खेलाडीमा सिमित भएको थियो । बराबरीसँगै १० खेलबाट २६ अङ्क जोडेको पिएसजी शीर्षस्थानमा छ । समान खेलबाट ८ अङ्क जोडेको रेइम्स १४औँ स्थानमा छ ।
प्रकाशित मिति: बुधबार, मंसिर ७, २०७९ २०:२२
प्रतिक्रिया दिनुहोस्
