काठमाडौँ— ‘प्रेमगीत ३’का निर्माताले दुई सातामा भएको कमाइ सार्वजनिक गरेका छन् । सार्वजनिक आकाडामा मा फिल्मले दुई सातामा नेपालबाट ११ करोड ८१ लाख रुपैयाँ ग्रस कमाएको छ ।
पहिलो साता सात करोड ९६ लाख रुपैयाँ ग्रस र दोस्रो साता ३ करोड ८५ लाख रुपैयाँ ग्रस कमाइ गरेको जनाइएको छ । निर्माताका अनुसार नेपाली र हिन्दी दुवै संस्करणबाट फिल्मले यो कमाइ गरेको हो ।भारतमा फिल्मले दुई सातामा ५ करोड ३२ लाख भारु कमाइ गरेको जनाइएको छ ।
नेपाल र भारतबाहेक फिल्मले दुई सातामा ९ करोड १४ लाख भारु कमाएको निर्माण कम्पनी आशुसेन फिल्म्सले जनाएको छ । यसरी हेर्दा फिल्मको दुई साताको विश्वव्यापी कमाइ ३४ करोड १३ लाख नेपाली रुपैयाँ कमाइ गरेको जनाइएको छ ।
प्रदीप खड्का अभिनित फिल्मले एकैदिन विश्वव्यापी प्रदर्शन हुने नेपाली फिल्मको कीर्तिमान समेत रचेको थियो । सन्तोष सेन र छेतेन गुरुङ निर्देशित यो फिल्म मा नब नायिका कृष्टिना गुरुगंको अभिनय रहेको छ ।
प्रकाशित मिति: बुधबार, मंसिर ७, २०७९ १८:२७
प्रतिक्रिया दिनुहोस्
