पोखरा–पोखरामा जारी नवौँ राष्टिय खेलकुुद प्रतियोगिता अन्तर्गत महिला क्रिकेटमा नेपाल पुलिस क्लबले कर्णाली प्रदेशलाई ६३ रनले पराजित गरेको छ ।
पुलिस क्लबले दिएको १ सय ११ रनको लक्ष्य पछ्याएको कर्णाली प्रदेशले १०.२ ओभरको खेल जारी रहँदा पानी परेपछि खेल रोकिएको थियो ।
वर्षाले खेल प्रभावित भएपछि डीएलए मेथडका आधारमा पुलिस क्लबले ६३ रनले जित हात पारेको छ । कर्णाली प्रदेशले १०.२ ओभरमा १७ रन बनाएर ७ विकेट गुमाउँदा पानी परेपछि खेल रोकिएको छ । कर्णालीका कुुनै पनि खेलाडीले दोहोरो अंकको स्कोर छुन सकेनन् ।
त्यसअघि पोखरा रगंशालामा रहेको क्रिकेट मैदानमा टस जितेर पहिले ब्याटिङ गरेको नेपाल पुलिस क्लबले निर्धारित १६ ओभरमा ६ विकेटको क्षतिमा १ सय १० रनको योगफल तयार पारेको थियो । ओसिलो मैदानका कारण खेल १६ ओभरमा छुट्टाईएको थियो ।
प्रकाशित मिति: बुधबार, मंसिर ७, २०७९ १९:५६
प्रतिक्रिया दिनुहोस्
