काठमाडौं–गायिका बर्तिका राईले इन्गेजमेन्ट गरेकी छिन् । सङ्गीतकर्मी युगल गुरुङसँग उनले इन्गेजमेन्ट गरेकी हुन् । बर्तिकाको इन्टाग्राम स्टोरीमा बधाई लेखेर यी दुईको फोटो राखिएको छ ।
बर्तिका अमेरिकामा बस्छिन् र आफैँले लेखेका र सङ्गीत भरेका गीतहरु मात्रै गाउने गर्छिन् । उनी पेशाले अकाउन्टेन्ट हुन् तर स्नातक पढ्दापढ्दै सन् २०१६ मा युट्युबमा रिलिज गरेको उनको एल्बम ‘बिम्बाकाश’ निकै चर्चित छ ।
यस्तै युगलको युट्युब च्यानलले उनी सिंगर र सङराइटर भएको बताउँछ । उनी हाल लण्डनमा बस्छन् । उनको युट्युब च्यानलमा १३ वटा गीत तथा भिडियो अपलोड भएका छन् । पछिल्लो पटक उनले आशाको किरण भन्ने गीत अपलोड गरेका छन् ।
प्रकाशित मिति: बुधबार, मंसिर ७, २०७९ ११:५३
प्रतिक्रिया दिनुहोस्
