काठमाडौं–आजबाट नेपाली सिनेमा घरमा एकैपटक ५ फिल्म प्रदर्शन भएका छन् । प्रदर्शन भएका ५ फिल्ममा एउटा मात्रै नेपाली रहेको छ । अन्य चार विदेशी फिल्म रहेका छन् ।
नेपाली फिल्म ‘हिजोआजका कुरा’ सँगै भारतीय ‘डाक्टर जी’, ‘गडफादर’ र ‘कन्तारा’ तथा जापानको ‘वान पिस रेड’ प्रदर्शनमा आएका छन् । धेरै फिल्म एकै पटक प्रदर्शनमा आउँदा शो बाँडिएको छ ।
फिल्म ‘हिजोआजका कुरा’ सन्तोष पन्तका छोरा साकार पन्तले निर्देशन गरेका हुन् । झन्डै डेढ दशक नेपाल टेलिभिजनमा निरन्तर प्रशारण भएको ‘हिजोआजका कुरा’ निक्कै लोकप्रिय टेलिसिरियल थियो । सोही सिरियलको नाम सापटी लिएर फिल्म निर्माण गरिएको हो ।
यो फिल्म सन्तोष पन्तले निर्माण गरेका हुन् । विशेषभरी यो फिल्ममा अमेरिका, अष्ट्रेलिया जानुपर्ने वाध्यता, नेपालमा रहेका परिवारमा हुने पीडाको कथालाई देखाइएको छ । फिल्म मार्फत पन्तले नेपालमै बस्न शन्देस दिन खोजेका छन् ।
फिल्ममा सन्तोष पन्त, रमा थपलिया, केकी अधिकारी, ऋचा शर्मा, रिमा विश्वकर्मा, दिव्यदेव पन्त, साकार पन्त, जेविका कार्की, जयनन्द लामा लगायतका कलाकारले अभिनय गरेका छन् ।
प्रकाशित मिति: बिहीबार, मंसिर ८, २०७९ ०१:२३
प्रतिक्रिया दिनुहोस्
