काठमाडौं–पाकिस्तानले त्रिकोणात्मक ट्वान्टी–२० सिरिजको फाइनलमा न्युजिल्यान्डलाई पाँच विकेटले पराजित गर्दै उपाधि जितेको छ । अस्ट्रेलियामा हुने ट्वान्टी–२० विश्वकप अगाडि पाकिस्तानले यो सफलता हात पारेर आफ्नो बलियो दाबेदारी प्रस्तुत गरेको छ ।
जितका लागि १ सय ६४ रनको लक्ष्य पाएको पाकिस्तानले १९.३ ओभरमा पाँच विकेट गुमाएर १ सय ६८ रन बनाएको थियो । मोहम्मद नजावले नटआउट रहेर ३८ रन बनाए । उनले २२ बलको सामना गरेर दुई चौका र तीन छक्का प्रहार गरे ।
यस्तै, प्रारम्भिक ब्याट्सम्यान मोहम्मद रिजवानलले २९ बलमा ३४ रन बनाए । त्यस अगाडि न्युजिल्यान्डले सात विकेटमा १ सय ६३ रन बनाएको थियो । घरेलु टिमका लागि कप्तान केन विलियम्सनले ३८ सर्वाधिक ५९ रन बनाए ।
उनले चार चौका र दुई छक्का प्रहार गरे । पाकिस्तानी बलरमध्ये नसिम शाह र ह्यारिस रउफले दुई दुई विकेट लिए । सिरिजमा पाकिस्तान र न्युजिल्यान्डसँग बंगलादेशको पनि सहभागिता थियो ।
प्रकाशित मिति: बुधबार, मंसिर ७, २०७९ २३:५७
प्रतिक्रिया दिनुहोस्
