काठमाडाैँ - इराकी धर्मगुरु मोक्तदा सदरको समूहले भावी प्रधानमन्त्री मोहम्मद शिया अल सुडानीले गठन गर्न लागेको नयाँ सरकारमा सहभागी हुन अस्वीकार गरेको शनिबार घोषणा गरेको छ ।
सन् २०२१ को अक्टोबरमा भएको निर्वाचनदेखि एक वर्षदेखि जारी राजनीतिक गतिरोध अन्त्य गर्न सांसदहरूले अब्दुल लतिफ रसिदलाई इराकको नयाँ राष्ट्रपतिमा निर्वाचित गरेको दुई दिनपछि सुडानीलाई प्रधानमन्त्रीमा नियुक्त गरिएको र त्यसको पनि दुई दिनपछि यो घोषणा गरिएको हो ।
“हामी हाम्रो कुनै पनि सहयोगीलाई यो सरकार गठनमासहभागी नहुनको लागि हाम्रो दृढ र स्पष्ट प्रतिवद्धता छ ।
यो सरकार गठनमा,“सदरका निकट सहयोगी मोहम्मद सालेह अल–इराकीले ट्वीटरमा पोस्ट गरिएको एक विज्ञप्तिमा भनेका छन्।
बाउन्न वर्षीय शिया पूर्वमन्त्री सुडानीलाई सदरको इरान समर्थित प्रतिद्वन्द्वी कोअर्डिनेसन फ्रेमवर्कको समर्थन छ, जसले इराकी विधायिकाको ३२९ मध्ये १३८ सिट जितेको छ ।
गत जुनमा सदरले आफ्नो समूहका ७३ सांसदलाई राजीनामा दिन आदेश दिएका थिए र संसद फ्रेमवर्कको हातमा छोडिदिएका थिए, जसमा पूर्व अर्धसैनिक बल हशेद अल–शाबीका प्रतिनिधिहरू सामेल छन् ।
शनिबार जारी वक्तव्यमा इराकीले आगामी सरकारले ‘मिलिशियाको स्पष्ट अधीनमा रहेको’ र ‘जनताको आकाङ्क्षा पूरा गर्न नसक्ने’ आरोप लगाएका छन् ।
सुडानी नेताको नेतृत्वमा रहेको कुनै पनि सरकारमा भाग लिन वा पुराना अनुहार वा भ्रष्टाचारीसँग सम्बद्ध अन्य कुनै पनि उम्मेदवारलाई आन्दोलनले भाग लिन अस्वीकार गरेको उनले बताए।
प्रकाशित मिति: बिहीबार, मंसिर ८, २०७९ ०४:२७
प्रतिक्रिया दिनुहोस्
