काठमाडौँ – नेपाल प्रहरीले ६७औँ प्रहरी दिवस मनाएको छ । नक्सालस्थित प्रहरी प्रधान कार्यालयमा विशेष कार्यक्रमको आयोजना गरी प्रहरीले आफ्नो ६७औँ दिवस मनाएको हो ।   ६७ औँ प्रहरी दिवसमा प्रधानमन्त्री शेरबहादुर देउवाले सम्बोधन गरेका छन् । नेपाल प्रहरी २०१२ सालमा स्थापना भएको थियो । वर्षभरिमा उत्कृष्ट काम गरेका सकल दर्जालाई प्रहरी प्रधान कार्यालयले पुरस्कृत गर्दै आएको छ ।   प्रहरी दिवसको अवसरमा करिब २५ जना सकल दर्जालाई पुरस्कृत गरिएको प्रहरी प्रवक्ता (डीआईजी) टेकप्रसाद राईले जानकारी दिए । विभिन्न विभागबाट उत्कृष्ट भएकाहरुलाई प्रमाणपत्रसमेत दिइएको उनले बताए ।