काठमाडौ– हास्य कलाकार रामचन्द्र अधिकारीको स्वास्थ्यमा सुधार आएको छ । १० दिन अगाडि निमोनिया लगायतको समस्याका कारण चाबहिलस्थित मेडिकेयर अस्पतालमा उपचारका लागि भर्ना भएका उनको स्वास्थ्यमा सुधार भएको अधिकारीको श्रीमती शिखा अधिकारीले जानकारी दिइन् ।
‘काजी साप’ उपनामले परिचित कलाकार अधिकारीलाई सुरुमा आईसियूमा भर्ना गरिएपनि अहिले क्याबिनमा राखिएको छ । स्वास्थ्यमा क्रमिक सुधार भइरहेको र केही दिनमा अस्पतालले डिस्चार्ज गर्ने अधिकारीकी श्रीमती सिखाले भनिन् ।
६८ वर्षीय कलाकार अधिकारी सानो पर्दाका विभिन्न हास्य श्रृंखलामार्फत दर्शकमाझ लोकप्रिय छन् । थुप्रै फिल्ममा समेत अभिनय गरेका उनी ‘मेरी बास्सै’ श्रृंखलाबाट ‘काजी साप’को रुपमा देखिँदै आएका छन् । अधिकारीले थुप्रै म्युजिक भिडियोमा समेत अभिनय गरेका छन् ।
प्रकाशित मिति: बुधबार, मंसिर ७, २०७९ १०:०३
प्रतिक्रिया दिनुहोस्
