पोखरा–पुलिस क्लबकी चन्द्रकला लामगादेले राष्ट्रिय कीर्तिमानसहित नवौं राष्ट्रिय खेलकुद अन्तर्गत एथलेटिक्सको महिला ज्याभलिन थ्रोमा स्वर्ण पदक जितेकी छिन् ।
बुधबार भएको खेलमा चन्द्रकलाले ४७.६० मिटर थ्रो गर्दै कीर्तिमानसहित स्वर्ण जितेकी हुन् । पोखरा रंगशालामा चन्द्रकलाले आर्मी क्लबकी लक्ष्मी थारुले १३ औं सागमा बनाएको ४५.२७ मिटरको कीर्तिमान भंग गरेकी हुन् ।
यस स्पर्धामा लक्ष्मीले ४५.४९ मिटर थ्रो गर्दै रजत हात पारेकी छिन् । एपीएफकी सिमा चौधरीले ४५.२० मिटर थ्रो कास्य जितिन् । पुरुषतर्फ आर्मीका रोहित चौधरीले स्वर्ण पदक जितेका छन् ।
प्रकाशित मिति: बिहीबार, मंसिर ८, २०७९ ००:०१
प्रतिक्रिया दिनुहोस्
