पोखरा–नवौं राष्ट्रिय खेलकुद प्रतियोगिता अन्तर्गत महिला हक्कीमा त्रिभुवन आर्मी क्लबले स्वर्ण पदक जितेको छ ।
पोखरामा बुधबार भएको फाइनलमा आर्मीले गण्डकी प्रदेशलाई टाइब्रेकरमा ३–० गोल अन्तरले हराउँदै स्वर्ण पदक जितेको हो ।
निर्धारित समयमा १–१ को बराबरी भएपछि खेलको निणय टाइब्रेकरबाट लिईएको हो। आर्मीको जितमा सीताकुमारी चौधरी, सरस्वती तामाङ र सीतामाया बलले गोल गरे । त्यसअघि खेलको नवौं मिनेटमा आर्मीकी सरस्वती तामाङले गोल गर्दै सुरुवाती अग्रता दिलाएकी थिईन् । ११ औँ मिनेटमा गण्डकीका लागि सबिना पुन रानाले एक गोल फर्काइन् । कास्यको लागि भएको स्पर्धामा सुदरपश्चिमले प्रदेश १ लाई २–० गोल अन्तरले हराएको हो ।
प्रकाशित मिति: बुधबार, मंसिर ७, २०७९ १६:२७
प्रतिक्रिया दिनुहोस्
