काठमाडौँ— नेवा: समुदायको भावनामाथि आँच पुर् याएको अभियोगमा दोस्रो पटक पक्राउ परेका कमेडियन अपूर्व क्षितिज सिंहलाई प्रहरीले जिल्ला अदालत, काठमाडौंमा उपस्थित गराएको छ ।
जिल्ला प्रहरी परिसर, काठमाडौंका प्रहरी उपरीक्षक दिनेशराज मैनालीले बुधबार उनको बयान नसकिएकाले फेरि अदालत उपस्थित गराइएको बताए ।
युट्युब च्यानल ‘कमेडी सर्कल’मा उनले दिएको प्रस्तुतिका कारण नेवा: समुदायको भावनामा आँच पुगेको भन्दै अपूर्वविरुद्ध प्रहरीमा जाहेरी परेको थियो ।
पक्राउ परेको १० दिनपछि कोभिड–१९ भाइरसबाट संक्रमित भएका क्षितिजलाई हाजिर जमानीमा प्रहरीले छाडेको थियो । तर सोमबार फाइल बुझाउन लागिएको भन्दै उनलाई बोलाएर प्रहरीले फेरि नियन्त्रणमा लिएको थियो ।
प्रकाशित मिति: बिहीबार, मंसिर ८, २०७९ ०३:२०
प्रतिक्रिया दिनुहोस्
