काठमाडौँ— तिहार तथा छठ बिदामा सबै पेट्रोल पम्पहरु खुला हुने भएका छन् ।
नेपाल आयल निगमले एक सूचना जारी गर्दै पेट्रोलियम पदार्थको सहज आपूर्तिका लागि तिहार र छठको बिदामा १३ वटा डिपोहरू खुला राख्ने निर्णय गरेको जनाएको छ ।
तिहार र छठमा सार्वजनिक बिदा हुने र सार्वजनिक यातायातको चाप बढ्ने भएकाले पम्पहरू खुला राख्न निगमले यस्तो निर्देशन दिएको हो।
निगमका अनुसार पेट्रोल पम्पहरु २४ घन्टा खुल्ला हुने र त्यसका लागि १३ वटा डिपोहरु विभिन्न बिदाको दिनमा खुला हुनेछन्।
ब्म्ख्भ्च्त्क्ष्क्भ्:भ्ल्त्
प्रदेश १ को विराटनगर र मधेस प्रदेशको अमलेखगंजमा कातिक ७, ८ र ११ गते डिपो खुला हुने छ।
यसैगरी वाग्मतीको थानकोट र गण्डकीको पोखरामा कातिक ८, ८ र १२ गते खुला हुनेछ। साथै लुम्बिनीको भैरहवा र कर्णाली प्रदेशको सुर्खेतमा कातिक ८ र ११ गते डिपोहरु खुला छन् ।
यस्तै सुदुर पश्चिम प्रदेशको धनगढीमा तथा शाखा कार्यालय चारआलीमा कातिक ७ र ११ गते डिपोहरु बिदाको दिनमा खुला हुनेछ्न्। यसैगरी अन्य सहरहरुमा नेपालगंज, धनुषा, वीरगंज, दाङ र दिपायलमा पनि ७ र १३ गतेसम्म निगमको डिपोहरु खुला हुनेछन्।
प्रकाशित मिति: बिहीबार, मंसिर ८, २०७९ २२:२५
प्रतिक्रिया दिनुहोस्
