काठमाडौं–अर्जेन्टिनी फर्वाड लियोनेल मेसी र केलियएन एम्बाप्पेले उत्कृष्ट प्रदर्शन गरेको खेलमा पेरिस सेन्ट जर्मेन (पिएसजीले) लिग वानमा रेलिगेशन जोनमा रहेको एसी एजासियोलाई ३–० ले पराजित गरेको छ ।
शीर्षस्थानमा रहेको पिएसजीले एजासियोलाई उसकै मैदानमा हराएको हो । २४ मिनेटमा मेसीको पासमा एमबाप्पेले टिमका लागि पहिलो गोल गर्दै सुरुवाति अग्रता दिलाएका थिए ।
टिमका लागि दोस्रो गोल ७९ औँ मिनेटमा एम्बाप्पेको पासलाई मेसीले गोलरक्षकलाई विट गर्दै आकर्षक गोल गर्दै टिमको अग्रता दोब्बर बनाए । त्यसको तीन मिनेट पछि नै मेसीको पासलाई एम्बाप्पेले दोस्रो तथा टिमका लागि तेस्रो गोल संभव बनाए ।
जितसँगै अपराजित रहँदै पिएसजी लिगको शीर्षस्थानमा कायम रहेको छ । उसले १२ खेलबाट ३२ अंक पुर्याएको छ । पिएसजीले १० जित र २ बराबरीको नतिजा निकालेको छ ।
पिएसजीले दोस्रो स्थानमा रहेको लोरिएन्टलाई ६ अंकले पछि पारेको छ। लोरिएन्टले एक खेल कम खेलेको छ। पराजित एजासियो ८ अंक जोडेर १८ औँ स्थानमा छ।
प्रकाशित मिति: बिहीबार, मंसिर ८, २०७९ ०२:५०
प्रतिक्रिया दिनुहोस्
