काठमाडौं । पछिल्लो दुई महिनाको अवधिमा भारतलगायतका मुलुकबाट करिब करीब १ अर्ब रुपैयाँ बराबरको भाइमसला आयात भएको छ । तिहारमा दिदीबहिनीले दाजुभाइलाई दिइने वस्तु भाइमसला भारतबाट आयात हुने गरेको हो । भन्सार विभागका अनुुसार चालू आर्थिक वर्षको साउन र भदौमा ९६ करोड ४४ लाख रुपैयाँको ५२ लाख किलो भाइमसला आयात भएको हो । गत आर्थिक वर्षको सोही अवधिमा २ अर्ब १६ करोड रुपैयाँ बराबरको १ करोड ३ लाख किलो भाइमसला आयात भएको थियो । आर्थिक वर्ष २०७७०७८ को तिहारमा भने १ अर्ब ४८ करोड रुपैयाँ बराबरको भाइमसला आयात भएको थियो ।