काठमाडौं । प्रधानमन्त्रीसमेत रहेका नेपाली कांग्रेसका सभापति शेरबहादुर देउवाले आफूलाई प्रधानमन्त्री बनाउनमात्र अहिलेको गठबन्धन नबनेको दाबी गरेका छन् । उनले पाँच दलीय गठबन्धन रहरको उपज नभएर बताउँदै उनले बाध्यताको परिणाम नभएको पनि बताए । सोमबार गठबन्धनमा आवद्ध दलहरुको वाग्मती प्रदेशस्तरीय भेलालाई सम्बोधन गर्दै उनले गठबन्धनका उमेदवारलाई जिताउन कार्यकर्ताहरुलाई निर्देशन दिएका छन् । उनले सातै प्रदेशमा भएको शीर्ष नेतृत्वको कार्यक्रमले दल र दलका कार्यकर्ताबीच आपसी विश्वसनीयता र एकता बढाउन सहयोग पुगेको जिकिर गरे । प्रधानमन्त्री देउवाले गठबन्धनका दलहरुबीच केही ठाउँहरुमा समस्या अझै रहेको स्वीकार गरे । गठबन्धनका कारण चुनाव जित्न सहज भएकाले सबैलाई टिकट चाहिएको र दिन भने असमर्थ रहेको बताए ।