काठमाडौँ– तिहारपछि काठमाडौं महानगरले मापदण्डविपरीतका पेट्रोल पम्प हटाउने तयारी गरेको छ । नक्साविपरीत अवैध रुपमा सञ्चालित पेट्रोल पम्प हटाउने तयारी गरेको हो ।
तिहार सकिएलगत्तै महानगरको मापदण्ड पालना नगर्ने पेट्रोल पम्प हटाउने महानगरका नगरप्रहरी प्रमुख राजुनाथ पाण्डेले बताए । उनले मापदण्ड पालना गरेका र नगरका पेट्रोल पम्प छनोट गर्ने काम भइरहेको बताए ।
महानगरले ३५ दिने सूचना जारी गरेर अवैध संरचना हटाउने अभियान सुरु गरेको थियो । बानेश्वर क्षेत्रबाट सुरु भएको अभियान तिहारको समयमा केही दिनका लागि स्थगित भएको महानगरले जनाएको छ ।
तिहार सकिएलगत्तै बृहत रुपमा अवैध संरचना हटाउने काम अघि बढाइने एसपी पाण्डेले बताए ।
प्रकाशित मिति: बुधबार, मंसिर ७, २०७९ १४:२०
प्रतिक्रिया दिनुहोस्
