काठमाडौँ – सुर्खेतको भेरी नदीमा दुई जना बेपत्ता भएका छन् । वीरेन्द्रनगरबाट पिकनिक खान गएका उनीहरु नदीमा पौडी खेल्ने क्रममा बगेर बेपत्ता भएका हुन्।
बेपत्ता हुनेमा वीरेन्द्रनगर नगरपालिका–३ का १९ वर्षीय दीपक थापा र १९ वर्षीय चन्द्र बिसी रहेको जिल्ला प्रहरी कार्यालय सुर्खेतका सूचना अधिकारी एवं डीएसपी सुरज कार्कीले बताए ।
उनीहरू शनिबार दिउँसो ३ बजेदेखि भेरी नदीमा बेपत्ता भएको उनले बताए । उनका अनुसार उनीहरूको समूह भेरीगंगा नगरपालिकाको सत्तरी नजिकै पिकनिक खान गएका थिए । कार्कीले उनीहरूको खोजी कार्यका लागि प्रहरी खटिएको र अहिलेसम्म कुनै अत्तोपत्तो नलागेको बताए ।
प्रकाशित मिति: शुक्रबार, मंसिर ९, २०७९ ०६:११
प्रतिक्रिया दिनुहोस्
