एजेन्सी- आईसीसी टी-२० विश्वकपमा बंगलादेशले जिम्बावेमाथि ३ रनको रोमाञ्चक जित निकालेको छ। ब्रिसबनमा बंगलादेशले दिएको १५१ रनको लक्ष्य पछ्याएको जिम्बावेले ८ विकेट गुमाएर १४७ रन मात्र बनाउन सक्यो ।
नाटकीय बनेको अन्तिम ओभरमा जिम्बावेलाई जितका लागि १६ रन आवश्यक थियो । तर जिम्बावेले २ विकेट गुमाएर १२ रन बनायो ।
त्यसमा पनि अन्तिम बल झनै नाटकीय बन्यो । जिम्बावेलाई अन्तिम बलमा जितका लागि ५ रन आवश्यक थियो । छक्का हान्दा जिम्बावेले खेल जित्ने थियो भने चौकाले खेल सुपर ओभरमा पुग्ने ।
तर बंगलादेशका मोसादेक होसेनको बलमा विकेटकिपर नुरुल हुसेनले जिम्बावेका ब्लेसिङ मुजाराबानीलाई सटम्पिङ गरे । त्यसपछि बंगलादेशले जित मनाउन थाल्यो भने जिम्बावे निराश बन्यो ।
प्रकाशित मिति: बिहीबार, मंसिर ८, २०७९ ०४:२३
प्रतिक्रिया दिनुहोस्
