काठमाडौँ – एक सातादेखि बन्द रहेको सेयर कारोबार आजबाट खुला हुने भएको छ । तिहार तथा छठ पर्वका लागि सरकारले सार्वजनिक बिदा दिएकाले एक सातादेखि शेयर कारोबार हुन सकेको छैन । पछिल्लो पटक कात्तिक ६ गते शेयरको कारोबार भएकार बजार बन्द थियो । त्यसदिन नेप्से सूचक १८५८.४९ विन्दुमा बन्द भएको थियो । यसै विन्दुलाई आधार मानेर आजबाट सेयर कारोबार सुरु हुनेछ । कम्पनीले धमाधम लाभांश घोषणा गर्न थालेका छन् । प्रथम त्रैमासको रिपोर्ट पनि आउन थालेको छ । यस्तो अवस्थामा अब सेयर बजार कता जाला भनेर चासो रहेको छ । तिहार अघिको अन्तिम दिनको कारोबारमा भने बजार सकारात्मक बनेको थियो ।