काठमाडौँ— अंकित सुवेदीले सतकीय इनिङ्स खेलेपछि प्रदेश–१ ले प्रधानमन्त्री ९पीएम० कप एकदिवसीय क्रिकेटमा बागमती प्रदेशमाथि सानदार जित निकालेको छ । त्रिवि क्रिकेट मैदान कीर्तिपुरमा मंगलबार भएको खेलमा प्रदेश–१ ले बागमती प्रदेशलाई ६९ रनले हरायो । प्रदेश–१ ले दिएको तीन सय पाँच रनको विजयी लक्ष्इ पछ्याएको बागमती ४५।५ ओभरमा सबै विकेटको क्षतिमा दुई सय ३५ रनमा समेटिएको थियो । बागमतीका लागि नन्दन यादवले सर्वाधिक ४३ रन बनाए। ओपनर इशान पाण्डेले ३५, रामनरेश गिरिले अविजित २८, कप्तान ज्ञानेन्द्र मल्लले २७, दुर्गेश थापाले २६, आशुतोष घिरैयाले १४ र प्रतिष जिसी १२ रन बनाए । बलिङमा प्रदेश–१ का सर्वन यादवले तीन विकेट लिए । फिर्दोस अन्सारी, दीपक जोशी र कप्तान सिद्धान्त लोहनीले दुई दुई तथा लुभ कामतले एक विकेट झारे । यसअघि टस जितेर पहिले ब्याटिङ गरेको प्रदेश–१ ले ४९।५ ओभरमा सवै विकेटको क्षतिमा तीन सय चार रन बनाएको थियो । प्रदेश–१ का लागि अंकित सुवेदीले एक सय १० रनको सतकीय इनिङ्स खेले । उनले एक सय ३४ बलमा १२ चौका र एक छक्काको सहयोगमा उक्त रन बनाएका हुन् । अंकित ‘म्यान अफ दि म्याच’ घोषित भए । कप्तान सिद्धान लोहनीले ७२ रन बनाए । यस्तै विवेक आनन्द मेहेताले ३०, सोनु अन्सारीले १९, श्रवण यादवले ११, निरज मुखियाले १० र फिर्दोश अन्सारीले अविजित १० रन जोडे । बलिङमा बागमतीका रामनरेश गिरिले पाँच विकेट लिए । नन्दन यादव, सूर्य तामाङ, प्रतिष जिसी र इशान पाण्डेले एक एक विकेट लिए। पहिलो जितसँगै प्रदेश–१ ले दुई खेलबाट दुई अंक बनाएको छ । प्रदेश–१ दोस्रो स्थानमा छ । लगातार दोस्रो हार खेलेको बागमतीले अंकको खाता खोल्न सकेको छैन । शीर्षस्थानमा रहेको नेपाल पुलिस क्लबको चार अंक छ । कात्तिक २६ गतेसम्म सञ्चालन हुने प्रतियोगितामा सात प्रदेश र तीन विभागीय गरी १० टोलीको सहभागिता रहेको छ । सहभागी टोलीलाई दुई समूहमा विभाजन गरिएको छ । समूहका शीर्ष दुई टोली सेमिफाइनलमा प्रवेश गर्नेछन् । प्रतियोगिताको विजेतालाई १० लाख र उपविजेतालाई पाँच लाख रुपियाँ पुरस्कार प्रदान गरिने नेपाल क्रिकेट संघ ९क्यान०ले जनाएको छ । यस्तै सेमिफाइनलमा पुग्ने दुई टोलीलाई ५० हजार रुपियाँ पुरस्कार प्रदान गरिने छ । सर्वोत्कृष्ट खेलाडीलाई ५० हजार, उत्कृष्ट बलर र ब्याट्सम्यानलाई २० हजार र इमर्जिङ प्लेयरलाई १० हजार रुपियाँ प्रदान गरिने पनि क्यानले जनाएको छ ।