काठमाडौँ–सोमबारदेखि खुलेको सेयर बजार बुधबार बजार परिसूचक नेप्से ७.३२ अंक (०.३८ प्रतिशत) ले वृद्धि भएको छ । सोमबार १६ अंकले बढेको नेप्से मंगलबार ५६ अंकको उच्च वृद्धि भएको थियो ।
लगातार दुई दिन बढेको बजारमा लगानीकर्ताले नाफा बुक गर्न खोज्दा बुधबार उताचढाव देखिए पनि अन्तिममा नेप्से सँगै कारोबार रकम पनि बढेर बन्द भएको छ । बुधबार भने नेप्से १९३८.३० अंकमा बन्द भएको छ ।
बुधबार बैंकिङ व्यापार र निर्जीवन बीमा बाहेकका सबै उपसूचक बढेका छन् । बैंकिङ उपसूचक ०.१९ प्रतिशत र व्यापार उपसूचक १.२३ प्रतिशतले गिरावट भएको छ ।
बुधबार नेप्सेमा ४३ लाख ७६ हजार ७०८ कित्ता सेयर कारोबार भएको छ । जसबाट १ अर्ब ४६ करोड ७९ लाख १५ हजारको कारोबार भएको छ ।
प्रकाशित मिति: बिहीबार, मंसिर ८, २०७९ २०:४१
प्रतिक्रिया दिनुहोस्
