काठमाडौँ–१२ दिनपछि कतारमा सुरु हुने फिफा विश्वकपका लागि ब्राजिलको टिम घोषणा भएको छ । मुख्य प्रशिक्षक टिटेले पाँच पटकको कीर्तिमानी च्याम्पियन ब्राजिलको टिम सोमबार राति घोषणा गरेका हुन् । समूह ‘जी’मा परेको ब्राजिलले समूह चरणमा सर्बिया, स्वीट्जरल्यान्ड र क्यामरुनसँग खेल्नेछ । रुसमा २०१८ मा भएको विश्वकपको पछिल्लो संस्करणमा ब्राजिलले क्वार्टरफाइनलसम्मको यात्रा तय गरेको थियो । बेल्जियमविरुद्ध २–१ को नतिजामा पराजित भएसँगै ब्राजिलको यात्रामा पूर्णविराम लागेको थियो । सन् २०१४ मा घरेलु मैदानमा भएको विश्वपको सेमिफाइनलमा जर्मनीसँग ७–१ पराजित भएको थियो । तेस्रो स्थानका लागि भएको खेलमा नेदरल्यान्ड्ससँग ३–० ले पराजित भएको ब्राजिल चौथो भएको थियो । यस्तो छ टिम : गोलकिपर : एलिसन, एडर्सन वेभरटोन डिफेन्डर : ड्यानिलो, ड्यानी एल्भेस, एलेक्स सान्ड्रो, एलेक्स टेलेस, थिएगो सिल्भा, मार्किन्होस, एडर मिलिटाओ, ब्रेमर मिडफिल्डर : क्यासिमिरो, फ्याबिन्हो, ब्रुनो गुइमारेज, फ्रेड, लुकास पाक्वेटा, एभर्टन रिबेइरो फरवार्ड : नेइमार, गाब्रियल जिजस, भिनिसियस जुनियर, एन्टोनी, राफिन्हा, रिचार्लिसन, गाब्रियल मार्टिनेली, रोड्रिगो, पेड्रो