एजेन्सी - टेलिभिजनमा स्थलगत वा लाइभ रिपोर्टिङका क्रममा संवाददाताले हातमा माइक बोकर सुचना दिइरहेको तपाईंले धेरै पटक देख्नु भएको होला । तर कहिलेकाहिँ यसरी रिपोर्टिङ गरिरहँदा आउने अड्चनले भने संवाददातालाई असहज हुने गर्दछ ।

रिपोर्टिङमा हुने यस्ता असहज धेरैजसो सडकमा हिडिरहेका मानिस वा यातायातका साधनका कारणले हुने गर्दछ । तर हालैमा भने एक संवाददाताले एक सुगाका कारण लाइभ रिपोर्टिङमा सास्ती मात्र भोग्नु परेन उनले आफ्नो महंगो एयरपड समेत गुमाउनु पर्याे ।

सामाजिक सञ्जालमा भाइरल भएको ति संवाददाताको भिडियोमा उनी लाइभ रिपोर्टिङमा भएको बेलामा एक सुगा आएर उनको काँधमा बस्छ । यस क्रममा ति संवाददाता लाइभ रिपोर्टिङमा स्टुडियोका प्रस्तोतासंग बोलिरहेका हुन्छन् । यसले उनलाई असहज बनाउँछ । तर उनि रोकिदैनन् र निरन्तर बोलिरहन्छन् ।

चिलीका ति टेलिभिजन पत्रकारको नाम निकोलस क्रुम हो । उनी शहरको घटनाको विषयमा लाइभ रिपोर्टिङ गरीरहेका थिए । यहि क्रममा एउटा सुगा उनको काँधमा बस्छ । सुरुमा त उनी केहि डराउँछन् । तथापी बोल्न भने छाड्दैनन् । तर सुगाले भने क्षणभरमा उनको कानबाट एयरपड चोरेर भाग्छ । यो सम्पुर्ण घटना क्यामेरामा रेकर्ड भएको छ ।

भिडियो हेर्नुहोस्ः