काठमाडौं– हार्दिक पाण्डेयाको अर्धशतको मद्दतले भारतले आईसीसी टी–ट्वेन्टी विश्वकपको सेमिफाइनलमा इङ्ल्यान्डलाई एक सय ६९ रनको लक्ष्य दिएको छ ।
टस हारेर ब्याटिङको निम्तो पाएको भारतले निर्धारित २० ओभरमा ६ विकेट गुमाएर एक सय ६८ रनको योगफल तयार ग¥यो ।
भारतका लागि पाँचौं नम्बरमा क्रिजमा उत्रिएका हार्दिकले ३३ बलमा चार चौका र पाँच छक्कासहित ६३ रनको शानदार इनिङ खेले । त्यसअघि पूर्व कप्तान विराट कोहली ४० बलमा चार चौका र एक छक्कासहित ५० रनको अर्धशतकीय इनिङ खेलेर पेभेलियन फर्केका थिए ।
ओपनर केएल राहुल पाँच तथा कप्तान रोहित शर्मा २७ रन बनाएर आउट भएका थिए। त्यस्तै, सूर्य कुमार यादव १४ र विकेटकिपर ब्याटर ऋषभ पन्त ६ रन बनाएर आउट भए ।
बलिङतर्फ इङ्ल्यान्डका लागि क्रिस जोर्डनले एक रन आउटसहित चार विकेट लिए। त्यसबाहेक आदिल राशिद र क्रिस वोक्सले एक–एक विकेट लिए ।
यसअघि बुधबार भएको पहिलो सेमिफाइनलमा न्युजिल्यान्डलाई पराजित गर्दै पाकिस्तान फाइनलमा पुगिसकेको छ । भारत र इङ्ल्यान्ड बीचको विजेताले आइतबार हुने फाइनलमा पाकिस्तानसँग खेल्ने छ ।
प्रकाशित मिति: बिहीबार, मंसिर ८, २०७९ ०४:१६
प्रतिक्रिया दिनुहोस्
