ताप्लेजुङ–नेकपा एमालेका सचिव योगेश भट्टराई ताप्लेजुङबाट दोस्रो पटक संसद यात्रा तय गरेका छन् ।
मतगणनाको सुरुदेखि नै पछि परेका भट्टराई अन्तिममा पुनरागमन गर्दै विजयी भएका हुन् । लगातार पछि परेका उनी फुङलिङ नगरपालिका क्षेत्रको मतगणना हुन थालेपछि अग्रता बनाउँदै अन्तिममा परिणाम आफ्नो पक्षमा पार्न सफल भएका हु्न् ।
मत गणनामा सत्ता गठबन्धनका बुढाक्षेत्रीलाई २०४ मतान्तरले पराजित गर्दै भट्टराई वियजी भएका हुन् । उनी २०७४ मा पनि यही क्षेत्रबाट निर्वाचित भएका थिए ।
भट्टराईले सत्ता गठबन्धनबाट नेकपा माओवादी केन्द्रका खेलप्रसाद बुढाक्षेत्रीसँग कडा प्रतिस्पर्धाबीच पराजित गरेका हुन् ।
प्रकाशित मिति: शुक्रबार, मंसिर ९, २०७९ ०६:२७
प्रतिक्रिया दिनुहोस्
