काठमाडौं–बलिउड अभिनेता अजय देवगनको चलचित्र ‘दृश्यम २’ ले बक्सअफिसमा शानदार प्रदर्शन गरिरहेको छ ।
१८ नोभेम्बरदेखि प्रदर्शनमा आएको चलचित्रले १० दिनमा भारु १४३ करोड भन्दा बढीको व्यापार गरेको छ ।
बलिउड ट्रेड एनालिस्ट तरण आदर्शका अनुसार चलचित्रले १० औँ दिन आइतबार १७ करोड ३२ लाख कमाएको छ । चलचित्रले प्रदर्शनमा आएको दोस्रो हप्ता पनि राम्रो व्यापार गरिरहेको छ ।
यो चलचित्र मलयालम चलचित्र ‘दृश्यम २’को हिन्दी रिमेक हो । अभिषेक पाठकको निर्देशन रहेको चलचित्रमा अजय देवगनका साथै तबु, अक्षय खन्ना, श्रीया सरन, इसिता दत्तलगायतको मूख्य भूमिका छ ।
प्रकाशित मिति: सोमबार, मंसिर १२, २०७९ १०:२१
प्रतिक्रिया दिनुहोस्
