काठमाडौँ– पर्सामा छुट्टाछुट्टै सवारी दुर्घटनामा दुइ जनाको मृत्यु भएको छ । बुधबार वीरगञ्ज २५ चण्डाल चोकमा ट्रकको ठक्करबाट एक जनाको मृत्यु भएको छ । वीरगञ्ज २४ बस्ने अन्दाजी ७५ वर्षीय रुपा राउत कुर्मीको मृत्यु भएको हो ।

बुधबार ना ३ ख ६०७५ नम्बरको ट्रकको ठक्करबाट साइकल यात्री रुपाको मृत्यु भएको जिल्ला प्रहरी कार्यालय पर्साले जनाएको छ । त्यस्तै, पर्साको बहुदरमाई नगरपालिकामा ट्याक्टरको ठक्करबाट बहुदरमाई नगरपालिका वडा नं. ८ बस्ने ४५ वर्षीय तपसी साह कानुको मृत्यु भएको प्रहरीले जनाएको छ ।