काठमाडौँ– मिलन चाम्सद्वारा निर्देशित चलचित्र ‘गोर्खा वारियर’को फस्टलुक पोस्टर सार्वजनिक भएको छ। निर्माण पक्षले सार्वजनिक गरेको यस ३ पोस्टर चलचित्रको कथालाई नै आधार मानेर तयार परिएको छ।
पोस्टरमा चलचित्रको लिड कलाकारहरुलाई प्रस्तुत गर्दै गोर्खाली शैनिकको आवरण देखाइएको छ। पोस्टरमा क्याप्टेन विजय लामा ,रितेश चाम्स, र रियर राईलाइ फिचर्ड गरेको छ। कथाबस्तुनै झल्किने गरि तयार गरेको पोस्टरले चलचित्रको कथाबस्तु झल्काउदछ। पोस्टरमा सन् १९४९ को मिति लेख्दै कथावस्तुको सेटिङ समेत तोकिएको छ ।
चलचित्रमा क्याप्टेन विजय लामा ,रितेश चाम्स, र रियर राई, कविता आले र रेविका गुरुङसहित विदेशी कलाकारको समेत अभिनय रहेको छ । चलचित्रमा निर्देशक मिलन चाम्स र गिरिराज घिमिरे पटकथा रहेको छ ।पहिलो र दोस्रो विश्वयुद्धमा गोर्खा सैनिकले पुर्याएको योगदानको कथावस्तुमा आधारित यस चलचित्र आगामी २०८० सालको मंसिर महिनामा विश्वव्यापी प्रदर्शन मिति तय गरिएको छ ।
