काठमाडौँ । इरानले यो वर्ष (सन् २०२२) मा सबैभन्दा बढी मृत्युदण्ड दिएको छ । अन्तराष्ट्रिय सञ्चारमाध्यमहरुका अनुसार अहिलेसम्म ५०० भन्दा बढी मानिसहरुलाई मृत्युदण्ड दिएको छ, र यो संख्या गत वर्षको तुलनमा धेरै बढी हो ।
नर्वेस्थित इरान ह्युमन राइट्सका अनुसार यस वर्षको डिसेम्बरसम्म इरानमा ५०४ जनालाई मृत्युदण्ड दिइएको छ । फाँसी दिइएको भनिएको व्यक्तिहरूको थप केसहरू पुष्टि गर्ने काम आफूले गरिरहेको एक अधिकारवादी समूहले जनाएको सञ्चारमाध्यमहरुले उल्लेख गरेका छन् ।
अधिकारीहरूले सेप्टेम्बरदेखि इरानमा सुरु भएको शासन विरोधी प्रदर्शनमा संलग्न व्यक्तिहरूलाई मृत्युदण्डको सजायको व्यापक प्रयोग गर्ने चिन्ता बढ्दै जाँदा पछिल्लो प्रतिवेदन सार्वजनिक भएको हो ।
आईएचआरको गणनामा चार जना व्यक्तिहरू समावेश छन् जसलाई इजरायलको गुप्तचर सेवासँग काम गरेको अभियोगमा आइतबार मृत्युदण्ड दिइएको सञ्चार माध्यमले जनाएको छ । उनीहरुलाई तेहरान बाहिर रहेको गोहार्डस्ट पनि भनिने राजाइ शहर कारागारमा मृत्युदण्ड दिइएको अधिकारवादी समूहले जनाएको छ।
