काठमाडौं । काठमाडौँका थलीवासीले थली-साँखु सडकखण्ड बन्द गरेका छन् । उनलीहरुले थली-साँखु सडक कालोपत्र नगरेको विरोधमा सडक बन्द गराएका हुन् ।
‘सडक पीडित जनता’को नामबाट जारी सूचनामा आज बिहानदेखि अनिश्चितकालीन समयसम्म सडक बन्द गरिएको उल्लेख छ।
थली-साँखु सडकको थली बजारमा २२ गतेदेखि सडक कालोपत्र गर्ने भनिए पनि काम सुरु नभएकाले कालोपत्रे नहुन्जेलसम्मका लागि सडक बन्द गरिएको सूचनामा उल्लेख छ।
यसअघि पनि थलीका व्यवसायी र स्थानीयले सडक बन्द गरेर कालोपत्र गर्न माग गर्दै आएका छन् । तर उनीहरुको माग अझैसम्म पूरा भएको छैन ।
प्रकाशित मिति: शुक्रबार, मंसिर २३, २०७९ ०९:४८
प्रतिक्रिया दिनुहोस्
