काठमाडौँ महानगरपालिकाले २८ औँ महानगर दिवसको अवसरमा सोमबार मैत्रीपूर्ण फुटबलको आयोजना गरेको छ ।
सोमबार बिहान वाकथन सकेर महानगरको टीम दशरथ रंगशालामा मेयर ११ र प्रमुख कार्यकारी अधिकृत ११ को टीमबीच मैत्रीपूर्ण फुटबल आयोजना गरिएको छ ।
खेलकुद इभेन्ट संचालन उपसमितिसँगको समन्वयमा सामाजिक विकास विभागले खेलको आयोजना गरेको हो ।
महानगरका अनुसार खेलकुदका लागि सामाजिक विकास विभागको कोषबाट ७ लाख रुपैयाँ बजेट छुट्याइएको छ ।
खेलकुदका लागि जर्सी, मोजा, क्याप, रेफ्री र राष्ट्रिय खेलकुद परिषदलाई भुक्तानी गर्नेसमेत सामाजिक विकास विभागले गरेको छ ।
काठमाडौं महानगरपालिकाकी उपमेयर सुनिता डङ्गोलले खेलाडीहरुलाई बल हस्तान्तरण गररे प्रतियोयिताको सुरुवात गरिन् ।
दिवसको अवसरमा धिमे बाजा प्रतियोगिता, चित्रकला र निवन्ध लेखन, शिक्षकस्तरका वक्तृत्वकला प्रतियोगिताजस्ता कार्यक्रम पनि आयोजना गरिएको छ ।
तस्विरहरू : लक्ष्मी धिमाल
