काठमाडौं–भक्तपुरको सुर्यबिनायक, घलानमा रहेको सुवाल इन्टरनेशनल कलेजका विद्यार्थीहरुले कलेज खुल्ला गर्नुपर्ने माग राख्दै प्रदर्शन गरेका छन् ।
अमेरिकाको क्यालिफोर्नियामा रहेको क्वीसेरा विश्वविद्यलाय अन्तर्गतको यो कलेज नेपाल सरकारको शिक्षा मन्त्रालयमा दर्ता नै नभएको पाइएको विद्यालर्थीहरुले बताएका छन् । कलेजमा अध्ययनरत नर्सिङ्ग र फार्मेसीका विद्यार्थीहरुले न्यायको माग गर्दै माइतीघर मण्डलामा प्रदर्शन गरेका हुन् ।
कलेजमा नर्सिङ्ग र फर्मेसी गरी ३०० विद्यार्थी भर्ना भएका छन् । फामेर्सीका विद्यार्थीहरुले कजेल खुलाउन र आफूहरुको भविष्य सुनिश्चित गर्न माग गर्दै प्रदर्शन गरेका हुन् । प्रदर्शनमा विद्यार्थीहरुले विद्यार्थीको जीवन माथि खेलबाड गर्न पाईदैन लगायतका नारा लगाएका छन् ।
प्रकाशित मिति: मंगलबार, मंसिर २७, २०७९ १३:३९
प्रतिक्रिया दिनुहोस्
