काठमाडौँ–राष्ट्रिय वाणिज्य बैङ्क लिमिटेडले एसियन पेन्ट्स ‘न्यू बिज बिजनेस कन्क्लेभ एण्ड अवार्ड्स’ कार्यक्रममा ‘थर्ड बेस्ट मेनेज्ड कमर्सियल बैङ्क अफ दि इयर २०२२’ अवार्ड प्राप्त गरेको छ ।
सो अवार्ड बैङ्कको तर्फबाट प्रमुख कार्यकारी अधिकृत किरणकुमार श्रेष्ठले ग्रहण गरे । अर्थमन्त्री जनार्दन शर्माले कार्यक्रममा नेपाल राष्ट्र बैङ्कका पहिलो गभर्नर हिमालयन शमशेर राणालाई व्यवसायिक क्षेत्रमा पु¥याएको योगदानको कदर गर्दै लाइफ टाइम एचिभमेन्ट इन बिजनेस लिडरशिप अवार्ड प्रदान गरे ।
सन् २०१३ देखि न्यू बिजनेश एज प्रालिले व्यवसायिक संस्थाहरूले गरेको विभिन्न व्यवसायिक कार्य प्रगतिको आधारमा अवार्ड प्रदान गर्दै आइरहेको छ । कार्यक्रममा विभिन्न ८ विधामा अवार्ड प्रदान गरिएको थियो । राष्ट्रिय वाणिज्य बैङ्कको हाल ७ वटै प्रदेश र ७७ जिल्लामा २६४ वटा शाखा कार्यालय, २६८ वटा एटीएम र ९९ वटा शाखारहित बैंङ्किग सेवा रहेको छ ।
