काठमाडौं–भारतको बिहार राज्यको छपरामा विषादी रक्सी सेवन गर्दा २३ जनाको मृत्यु भएको छ । छपराको सदर अस्पतालका इन्चार्जका अनुसार हालसम्म अस्पतालमा २१ जनाको मृत्यु भएको छ । उनका अनुसार २ जनाको पटनाको पीएमसीएचमा मृत्यु भएको हो ।
प्रहरीले घटनाबारे अनुसन्धान सुरु गरेको बताएको छ । मंगलबार राती केही मानिसहरुले विषादी रक्सी सेवन गरेपछि बिरामी परेका थिए । त्यसपछि उनीहरुलाई छपराको सदर अस्पतालमा भर्ना गरिएको थियो ।
सारणका एसपी सन्तोष कुमारले १६ जनाको पोस्टमार्टम भइसकेको र केही व्यक्ति बिरामी रहेकाले मृतकको संख्या बढ्न सक्ने बताए । बिहारमा रक्सी पिउनु प्रतिबन्ध भएकाले बिरामीहरुले विभिन्न अस्पतालमा चुपचाप उपचार गराइरहेको बताइएको छ ।
प्रकाशित मिति: बिहीबार, मंसिर २९, २०७९ १३:५१
प्रतिक्रिया दिनुहोस्
