जोहानेसबर्ग–दक्षिण अफ्रिकाको सत्तारुढ दलले सिरिल रामाफोसालाई पुनः नेतामा निर्वाचित गर्ने तयारी गरेको छ ।
अफ्रिकी राष्ट्रिय काङ्ग्रेस (एएनसीं) का करिब चार हजार ५०० प्रतिनिधिहरू चम्किलो पहेँलो र हरियो टिसर्ट लगाएर जोहानेसबर्ग नजिकैको एक कार्यक्रमस्थलमा भेला भएका छन् जहाँ उनीहरूले शनिबार नयाँ नेताका लागि मतदान गर्नेछन् ।
रामाफोसाले एएनसीको बागडोर सम्हाल्ने प्रयास गरिरहनुभएको छ किनभने २८ वर्ष सत्तामा रहेपछि पार्टी विभाजन र घट्दो समर्थनसँग जुधिरहेको छ ।रामाफोसाले सन् २०१७ मा एएनसीका पूर्ववर्ती प्रमुख ज्याकोब जुमा भ्रष्टाचारमा मुछिएपछि एएनसीको नियन्त्रण लिएका थिए ।
संसद्मा पार्टीको बहुमत आएमा दलको राष्ट्रिय अध्यक्षलाई अनुमोदन गर्ने प्रक्रियामा पनि सहजता मिल्नेछ । तर, रामाफोसाको स्वच्छ छविलाई उहाँको खेतमा लुकाइएको ठूलो नगद चोरी आरोपले प्रभावित बनाएको छ ।
सम्मेलन निर्धारित समयभन्दा केही घण्टा ढिला सुरु भएको थियो, तर पार्टीका एक पदाधिकारीले भने, ‘कार्यक्रम ढिला सुरू भए पनि मतदान समयमै हुनेछ र अबको करिब पाँच घण्टापछि नतिजा सार्वजनिक गरिनेछ ।” एएनसीका सदस्य ३७ वर्षीय तुमी मोगोतलालेरामाफोसा दोस्रो कार्यकालको हकदार भएको विश्वास गर्छन्।
“मेरो चाहना रामाफोसाले फेरि जितसन् भन्ने हो । उनी नै देशमा भ्रष्टाचार निवारण गर्ने सबैभन्दा राम्रो व्यक्ति हुन्,” एएनसीको झण्डाको छेउमा सेतो रङको शर्ट र टोपीलगाएका मोगोटलाले भने । लोडसेडिङको मार खेपेका अफ्रिकीहरू रामाफोसाप्रति भएका र उनको ठाउमा अर्को व्यक्ति (जुमा) नै आउनुपर्ने नेतृत्व परिवर्तन गर्नुपर्ने ५२ वर्षीय न्टोमबिकिसे शबालालाले बताए । “हामीलाई बलियो नेतृत्व चाहिएको छ,” उनले एएफपीसँग भने ।
सम्मेलनस्थलबाहिर प्रतिनिधिहरूको एक समूहले फार्मगेट काण्डका कारण रामाफोसाले राष्ट्रपति पद छोड्नुपर्छ भन्ने नारा लगाएका थिए । उनीहरुले जुमाको समर्थनमा गीत पनि गाएका थिए ।
सम्मेलनको पूर्वसन्ध्यामा जुमाले रामाफोसाविरुद्ध सन् १९९० को दशकमा भएको हातहतियार भ्रष्टाचारसम्बन्धी मुद्दासँग सम्बन्धित मेडिकल रिपोर्ट लीक भएको भन्दै मुद्दा चलाउन चाहेको घोषणा गरेका थिए । तर, यस कार्यले रामाफोसाको एएनसी नेताको रूपमा दोस्रो कार्यकाल सुरक्षित गर्ने सम्भावनालाई बाधा पु¥याउने सम्भावना देखिएको छैन ।
यदि रामाफोसाले पार्टीमा बहुमत प्राप्त गरेमा सन् २०२४ को चुनावपछि उनलाई नयाँ कार्यकालका लागि राष्ट्रपतिको टिकट प्राप्त हुनेछ । रासस/एएफपी
