काठमाडौँ– चेलिबेटी बेचविखनको कथा बोकेको नयाँ म्यूजिक भिडियो सार्वजनिक गरिएको छ । डा. शंकर कुमार श्रेष्ठद्वारा रचित गीतलाई रचना रिमालले स्वर दिएकी छन् ।
यस गीतको भिडियोमा राजेश हमाल र वरिष्ठ अभिनेत्री मिथिला शर्माको विशेष भुमिका देख्न सकिन्छ । यस्तै, मोडल अलिशा शंकरले बेचिएकी चेली सावित्रीको भुमिका निर्वाह गरेकी छन् । तीन दिन अगाडी नै यूट्युवमा सार्वजनिक भैसकेको भिडियोलाई आज पत्रकार सम्मेलन गरी जानकारी दिएको हो ।
पत्रकार सम्मेलनमा राजेश हमालले बेचिएकी चेलीलाई फेरि नेपाली समाजमा आएर बाँच्न गाह्रो भएको र कुनै पनि पुरुषले बेचिएकी महिलालाई विवाह गर्नु भनेको एकदम ठूलो कुरा भएको बताए ।
अभिनेत्री मिथिला शर्माले चेलिबेटी बेचबिखन पूर्ण रुपले अन्त्य हुनका लागि सबैको हातेमालोको आवश्यक रहेको बताइन् । शान थापाले निर्देशन गरेको म्यूजिक भिडियोको कथा चरिमाया तामाङ्गको वास्तविक जीवनमा आधारित रहेको छ ।
हेर्नुस, म्युजिक भिडियो
