काठमाडौँ– कैलालीको अत्तरियामा सुन व्यवसायीमाथि अज्ञात व्यक्तिबाट गोली प्रहार भएको छ । आइतबार बेलुका अत्तरियास्थित घोडोघाडी सुन चाँदी पसलका सञ्चालक २८ वर्षीय विकास सुनुवारमाथि मोटरसाइकलमा आएका व्यक्ति गोली प्रहार गरेको प्रहरीले जनाएको छ ।
सुनुवार अत्तरिया चोकबाट पश्चिमबाट पूर्वतर्फ मोटरसाइकलमा जाने क्रममा विपरीत दिशातर्फ मोटरसाइकलमा सवार व्यक्तिबाट गोली प्रहार भएको हो । दायाँ पाखुरामा गोली लागि घाइते भएका सुनुवारको अत्तरियास्थित पदमा अस्पतालमा उपचार भइरहेको प्रहरीले जनाएको छ । गोली हान्ने व्यक्तिको खोजीकार्य भइरहेको प्रहरीले जनाएको छ ।
प्रकाशित मिति: आइतबार, पुस ३, २०७९ १९:१३
प्रतिक्रिया दिनुहोस्
