इराकको उत्तरी प्रान्त किर्कुकमा आइतबार सडक छेउमा भएको बम आक्रमणमा परी आठ प्रहरीको मृत्यु हुनाका साथै अन्य तीन जना घाइते भएको प्रान्तीय प्रहरी स्रोतले जनाएको छ ।
राजधानी बगदादबाट करिब २५० किलोमिटर उत्तरमा रहेको प्रान्तीय राजधानी किर्कुकको दक्षिणमा रहेको अल–रियाद सहर नजिकै सङ्घीय प्रहरीको गस्तीमा कम्तीमा दुईवटा सडक किनारमा बम विस्फोट भएको मेजर जनरल अब्दुल्लाह अल–अब्बासीले सिन्ह्वालाई बताएका छन् । पछिल्ला महिनाहरूमा इराकी सुरक्षा बलहरूले चरमपन्थी लडाकुहरू विरुद्ध कारबाहीलाई तीव्र पारेका छन् ।
सन् २०१७ मा आईएसको पराजयपछि इराकको सुरक्षा स्थितिमा सुधार भइरहेको बताइएको छ ।
प्रकाशित मिति: आइतबार, पुस ३, २०७९ २२:०५
प्रतिक्रिया दिनुहोस्
