काठमाडौँ– बारामा मोटरसाइकल दुर्घटना हुँदा दुई जनाको मृत्यु भएको छ । पूर्वपश्चिम राजमार्गअन्तर्गत बाराको निजगढमा मोटरसाइकल दुर्घटनामा २ जनाको मृत्यु हुनुका साथै एक जना घाइते भए ।

रौतहटको गुजरा नगरपालिका ३ सिम्रिक बस्ने २६ वर्षीय भुवन पहाडी र २७ वर्षीय ऋतिक बहादुर राईको मृत्यु भएको ईलाका प्रहरी कार्यालय निजगढले जनाएको छ । उनका अनुसार दुर्घटनामा परेका उनीहरुको घटनास्थलमै मृत्यु भएको हो । भुवनले चलाएको मोटरसाईकलमा तीनजना सवार रहेका थिए । सिम्रिक गाउँकै २४ वर्षीय सुशील माझी घाइते छन् ।