काठमाडौं– इलामका पत्रकार तथा नेपाल पत्रकार महासंघ इलाम शाखाका कोषाध्यक्ष राम योङहाङलाई भिडियो खिचिरहेका बेला प्रहरीले अभद्र व्यवहार गरेकोप्रति महासंघले भत्र्सना गरेको छ । इलामको माङसेबुङ र चलाचुली गाउँपालिका युवाहरुबीच कुटपीट भएपछि मेलमिलाप क्रममा भिडियो खिचिरहेका उनलाई प्रहरीले अभद्र व्यवहार गरेको थियो ।
भिडियो खिच्दै गर्दा ‘भिडियो किन खिचेको’ ? भन्दै गालीगलोज गर्दै मोबाइल खोसेर भिडियो डिलिट गर्न लगाएको घटनाप्रति महासंघको इलाम शाखाले विज्ञप्तीमार्फत खेद व्यक्त गरेको छ । प्रहरीले नागरिकमाथि कारबाही गरेको र भिडियो खिचिरहेका पत्रकारमाथि अभद्र व्यवहार गरिएकोमा घटनाको छानबीन गरी संलग्नलाई कारबाही गर्न शाखाले माग समेत गरेको छ ।
प्रकाशित मिति: सोमबार, पुस ४, २०७९ २१:५७
प्रतिक्रिया दिनुहोस्
