वीरगञ्ज– बारामा अज्ञात समूहले चलाएको गोली लागेर गम्भीर घाइते भएका भारतीय नागरिक शिवपुजन यादवको मृत्यु भएको छ ।

बाराको परवानीपुरस्थित एलएस न्युरो अस्पतालका अनुसार भारतीय नागरिक ४५ वर्षीय शिवपुजन प्रसाद यादवको उपचारको क्रममा मृत्यु भएको हो ।

जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीका अनुसार साँझ गोली लागेपछि पौने ६ बजे अस्पताल पुर्‍याइएको उनलाई ६ बजे अस्पतालले मृत घोषित गरेको हो । प्रहरीका अनुसार मृतक यादव भारतको 'मोस्ट वान्टेड' सूचीमा रहेका थिए । उनी बिहीबार मात्र भागेर नेपाल आएर आफन्तकोमा बसेकाे प्रहरीले जनाएको छ ।

घटनास्थलमा रहेका प्रत्यक्षदर्शीका अनुसार बाराको महागढीमाई नगरपालिका–२ भुतही पुल नजिकै चिया पसलमा नम्बर नखुलेको दुई वटा मोटरसाइकलमा आएका पाँच जनाको समूहका एक जनाले साढे ५ बजेतिर गोली हानेर भागेका थिए । 

गोली हान्ने व्यक्तिहरु फरार छन् । उनीहरुको खोजी भइरहेको प्रहरीले जनाएको छ । भारतको 'मोस्ट वान्टेड'