काठमाडौँ–केही समयअघि प्रधानमन्त्री निवास बालुवाटारमा जारी सत्ता गठबन्धनको बैठकबाट माओवादी केन्द्रका अध्यक्ष पुष्पकमल दाहाल ‘प्रचण्ड’ बाहिरिएका थिए ।
बालुवाटारमा कांग्रेस सभापति देउवासँग भएको ‘वान टुु वान’ वार्तामा अध्यक्ष प्रचण्डले पहिलो पटक आफूले प्रधानमन्त्री हुने अडान दो¥याएका थिए । देउवाले उनको ठाडै प्रस्ताव अस्वीकार गरे पछि प्रचण्डले पहिला नै वार्ता छाडेर हिंडन लागेका थिए । प्रचण्डलाई देउवाले ‘माधव र झलनाथजी’ आउँदै हुुनुुहुन्छ भनेर रोेकेको कांग्रेसनिकट एक नेताले क्यानडा नेपाललाई जानकारी दिए ।
ती नेताका अनुुसार प्रचण्ड र माधव नेपालले गरेको पछिल्लो प्रस्ताव समेत देउवाले अस्वीकार गरे पछि प्रचण्डले ‘वार्ता रोकौं माधवजी’ भनेका थिए । तर, माधव नेपालले देउवा र प्रचण्डलाई छलफल गर्ने आग्रह गरेको उनको भनाइ छ ।
गठबन्धनको बैठकको सुरु मै प्रचण्ड र नेपालले तीन प्रमुख संवैधानिक पद एक÷एक दलले लिने गरी भागबण्डा गर्न प्रस्ताव गरेका थिए । उनीहरूले राष्ट्रपति, प्रधानमन्त्री र सभामुख पद एक÷एक दलले लिने गरी सहमति खोज्न देउवालाई भनेका थिए । तर, देउवाले भने, अहिले यो प्रस्ताव कांग्रेसलाई मान्य नहुने बताएपछि प्रचण्डले ‘सरकार बनाउने अरु पनि उपाय छन्’ भन्दै बैठक छाडेर बाहिरिएको कांग्रेसका ती नेताले जानकारी दिए ।
बालुवाटारमा भएको सत्ता गठबन्धनको बैठकबाट निस्केका प्रचण्ड विपक्षी दलका नेता एमाले अध्यक्ष केपी ओलीलाई भेट्न बालकोट पुुगे पछि गठबन्धन भत्किएको हो भन्ने चर्चा समेत सुुरु भएको छ । अहिले बालकोटमा प्रचण्ड–ओलीबीच भेटवार्ता भइरहेको छ ।
नेपाली कांग्रेसका सभापति एवं प्रधानमन्त्री शेरबहादुर देउवासँग ‘पावर सेयरिङ्ग’मा कुरा नमिलेपछि माओवादी अध्यक्ष प्रचण्ड बालकोटतर्फ लागेका हुन् । माओवादीले आलोपालोमा पहिलो चरणको प्रधानमन्त्री दाबी गर्दै आएको छ ।
