काठमाडौँ– क्यानडा नेपाल डट कमकाे सम्पादकमा शिव सत्याल नियुक्त भएका छन् । सीएनएन नेटवर्क प्रालिका अध्यक्ष अनु थापाले सम्पादक सत्याललाई स्वागत गरिन् । सम्पादक सत्यालले राष्ट्रिय मूलधारको अनलाइन सञ्चार माध्यममा जोडिएर काम गर्न पाउँदा आफू उत्साहित रहेको बताए ।

उनले नयाँ ‘टिम’सँगको सहकार्यमा क्यानडा नेपाललाई थप उचाइमा पुर्याउन आफूले पहल गर्ने बताए । विभिन्न अनलाइन सञ्चारमाध्यमको सम्पादन विभागको नेतृत्व तहमा बसेर काम गरिसकेका सत्याल यसअघि रातोपाटी डटकमको बिजनेस एडिटरको जिम्मेवारीमा थिए । करिब २० वर्षदेखि पत्रकारितामा सक्रिय सत्याल विशेष गरी आर्थिक, राजनीतिक तथा सामाजिक विषयवस्तुको रिपोर्टिङमा दख्खल राख्छन् ।