काठमाडौँ–गायक विन्ती कुमार गुरूङले ‘अमिलो कागती’ बोलको गीतको भिडियो लिएर आएका छन् । प्रवासमा रहेर पनि नेपाली कला र गीत सङ्गीतलाई नजिकबाट नियालिरहेका गायक गुरूङले हालै सार्वजनिक गरेको ‘अमिलो कागती’मा गायक विन्ती र गायिका मेलिना राईको स्वर छ । जसमा गीतकार तथा सङ्गीतकार दीपक शर्माको शब्द तथा सङ्गीत छ ।
छायाङ्कन बुद्ध थापा तथा सम्पादन विष्णु खड्काको रहेको छ । रायन कार्कीको निर्देशन रहेको भिडियोले एक प्रेमिल जोडीको प्रेम र रोमान्सका रमाइला किस्साहरुसहित प्रेममा परेपछि मानिस कति खुशी हुन्छ भन्ने विषयलाई देखाएको छ ।
मौलिक शब्दमा सलल बगेको गीतमा पछिल्लो पुस्ताकी चर्चित मोडल उषा उप्रेती र मनोज गुरूङको अभिनय देख्न सकिन्छ । ‘होई मेरो संसार’ र ‘चु सैं ङल’ लगायतका गीतबाट चर्चा कमाएका गायक विन्ती कुमारकै अफिसियल च्यानल ज्यासमिन क्रियसनबाट यो भिडियो बजारमा आएको हो ।
