काठमाडौं– फिल्म हल सञ्चालनका लागि तोकिएको राति ११ बजेसम्मको समय सीमा हटाइएको छ । यससँगै हलले राति ११ बजेपछि पनि फिल्म प्रदर्शन गर्न पाउने भएका छन् ।
सोमबार बसेको चलचित्र विकास बोर्डको बैठकले हल सञ्चालकले सुरक्षाको आवश्यक व्यवस्था गरेर राति ११ बजेपछि फिल्म प्रदर्शन गर्न सक्ने निर्णय गरेको हो । ‘उक्त समयमा फिल्म प्रदर्शन गर्नुपरे बोर्डलाई जानकारी गराए हुने निर्णय भएको छ,’ जारी वक्तव्यमा उल्लेख छ ।
यसअघि राति ११ बजेसम्म सकिने गरी फिल्म प्रदर्शन गर्नुपर्ने र त्यसपछि प्रदर्शन गर्नुपरेमा सम्बन्धित जिल्ला प्रशासन कार्यालयको स्वीकृति लिई बोर्डलाई समेत जानकारी गराउनुपर्ने प्रावधान थियो ।
प्रकाशित मिति: मंगलबार, पुस १२, २०७९ १३:०७
प्रतिक्रिया दिनुहोस्
