काठमाडौँ– सर्लाहीका तत्कालीन प्रमुख प्रशासकीय अधिकृत श्यामकिशोर रायविरुद्ध अख्तियार दुरुपयोग अनुसन्धान आयोगले मुद्दा दायर गरेको छ ।
आयोगले रामजानकी मन्दिर निर्माणमा वास्तविक कार्यभन्दा बढी कार्य भएको भन्दै नक्कली बिल बनाई आर्थिक हिनामिना गरेको आरोपमा विशेष अदालतमा मुद्दा दायर गरेको हो ।
आयोगले उनीविरुद्ध ९७ हजार ८४० रुपैयाँ बिगो माग दाबीसहित विशेष अदालतमा मुद्दा दायर गरेको हो ।
उनीसँगै तत्कालीन इन्जिनियर रामविनयप्रसाद यादव, सबइन्जिनियर उमेशकुमार दास, अध्यक्ष रामभरोसी मण्डल, सचिव बालमेश्वर शाह र कोषाध्यक्ष रिना कुमारीको पनि संलग्नता रहेको आरोप लगाइएकाे छ ।
प्रकाशित मिति: बिहीबार, पुस १४, २०७९ १४:४४
प्रतिक्रिया दिनुहोस्
