पोखरा । २२ औं आहा! रारा पोखरा गोल्डकपमा धरान फुटबल क्लबले विजयी सुरुवात गरेको छ ।
पोखरा रंगशालामा भएको खेलमा धरानले आयोजक सहारा क्लबलाई १–० ले हराएको हो ।
खेलको चौंथो मिनेटमै प्रकाश बुढाथोकीले गोल गरे । डिबक्स क्षेत्र नजिकै पाएको फ्रिकिकलाई सदुपयोग गर्दै बुढाथोकीले गोल गरेका हुन् । यसअघि २०६८ को खेलमा धरान आयोजक सहारासँग पराजित भएको थियो । यस खेलसँगै आयोजक सहारा क्लब प्रतियोगीताबाट बाहिरिएको छ ।
दशौं आहा रारा गोल्डकपको उक्त खेलमा सहाराले १–० ले धरानलाई पराजित गरेको थियो । त्यसको अघिल्लो नवौं संस्करणको पहिलो खेलमा पनि आयोजक सहाराले धरानलाई २–१ ले पराजित गरेको थियो ।
गोल्डकपको शुक्रबार (भोलि) हुने दोस्रो खेलमा नेपाल पुलिस क्बल र चर्च ब्वाइज युनाइटेड फुटबल क्लबबीच हुनेछ ।
प्रकाशित मिति: बिहीबार, पुस १४, २०७९ १७:२२
प्रतिक्रिया दिनुहोस्
