काठमाडौँ–लुम्बिनी अल स्टार्सले नेपाल टी–२० लिगमा शुक्रबार काठमाडौं नाइट्सलाई ३५ रनले पराजित गरेको छ । त्रिवि क्रिकेट मैदानमा टस जितेर ब्याटिङ थालेको लुम्बिनीले ८ विकेटको क्षतिमा १५० रनको योगफल तयार गरेको थियो ।
जवाफी ब्याटिङमा उत्रिएको काठमाडौंले ८ विकेट गुमाएर ११५ रन मात्रै बनाउन सक्यो । काठमाडौंका लागि अज्मतुल्लाह ओमारजाईले ३८ रनबाहेक अन्य ब्याटरले उल्लेख्य प्रदर्शन गर्न सकेनन् ।
लुम्बिनीका लागि हरमितले एक मेडनसहित सर्वाधिक ३ विकेट लिए । बलिङतर्फ काठमाडौंका लागि अज्मतुल्लाह ओमारजाई दुई विकेट लिए। यस्तै, अविनाश बोहरा, अनिल खरेल, बासिर अहमद र सुनम गौतमले एक–एक विकेट लिएका थिए ।
लुम्बिनी यसअघिका ४ खेलमा अपराजित छ । काठमाडौं ३ मध्ये २ खेल जितेको छ । शुक्रबार नै हुने दोस्रो खेलमा फार वेस्टर्न युनाइटेड र पोखरा एभेन्जर्स भिड्ने छन् ।
प्रकाशित मिति: शुक्रबार, पुस १५, २०७९ १४:११
प्रतिक्रिया दिनुहोस्
