काठमाडौँ–नेपाल टी–२० लिगको आधा खेल सकिँदा पोखरा एभेन्जर्सले पहिलो जित दर्ता गरेको छ । लगातार पाँच खेलमा हार व्यहोरेको पोखराले लिगमा पहिलो जितको स्वाद लिन पाएको हो । जितसँगै पोखराले लिगको प्ले अफ खेल्ने सम्भावना जीवित राखेको छ ।
फारवेष्टले दिएको १ सय ८८ रनको लक्ष्य पोखराले ५ बल अगावै ७ विकेट गुमाएर भेट्टायो । शुक्रबार भएको खेलमा पोखराले फारवेष्टलाई ३ विकेटले पराजित गर्दै अंक तालिकामा २ अंक जोडेको छ । फारवेष्टले भने लिगमा चौथो हार व्यहारेको छ ।
त्यसअघि कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको फारवेष्टले निर्धारित २० ओभरमा ९ विकेटको क्षतिमा १ सय ८७ रनको योगफल तयार पारेको थियो ।
प्रकाशित मिति: शुक्रबार, पुस १५, २०७९ १७:५०
प्रतिक्रिया दिनुहोस्
